Әділет Ахметғали кураштан Азия ойындарының қола жүлдегері атанды

Жапонияның Аичи префектурасында ХХ жазғы Азия ойындары аясындағы кураш жарыстары жалғасып жатыр.

Ерлер арасында 81 келі салмақта сынға түскен Әділет Ахметғали жартылай финалда Өзбекстан өкілі Ахрор Зиёдуллаевпен белдесіп, 0:10 есебімен есе жіберді.

Осылайша, отандасымыз жарысты қола медальмен қорытындылады.

Айта кетейік, Әділет Ахметғали ширек финалда Тайбэй өкілі Хе Сунгты 10:0 есебімен жеңіп, жартылай финалға жолдама алған еді.