Елена Рыбакина Grand Slam турнирінің үшінші кезеңіне жолдама алды

Еліміздің бірінші ракеткасы Елена Рыбакина Парижде өтіп жатқан «Roland Garros» турнирінің үшінші айналымында ойнайды. Екінші айналымда жарыстың 4-ракеткасы 18 жастағы чехиялық теннисші Линда Носкованы (#50) 1 сағат 28 минутқа созылған ойында 6:3, 6:3 есебімен жеңді. Еленаның келесі қарсыласы испаниялық Сара Соррибес Тормо. (#132)

Айта кетейік, Елена алғашқы айналымда тағы бір чехиялық спортшы Бренда Фрухвиртованы (#146) 6:4, 6:2 есебімен жеңген.

Ертең алтыншы жарыс күнінде Сюзанн Ленглен кортына тағы бір қазақстандық Юлия Путинцева (#58) шығады. Қазақстанның екінші ракеткасының қарсыласы АҚШ өкілі Слоан Стивенс (#30). Бұл ойын Астана уақытымен сағат 18:30-ға жоспарланған. Бірақ алдыңғы ойындарға байланысты өзгерістер болуы мүмкін.

Ерлер арасында сынға түскен Александр Бублик пен Тимофей Скатов алғашқы айналымда қарсыластарына есе жіберіп, жарыс жолын аяқтаған.