Еуропа Чемпионатының жартылай финалына шыққан құрамалар белгілі болды

Соңғы ширек финалдық ойында Нидерланд – Түркия құрамалары кездесіп, Рональд Куман шәкірттері 2:1 есебімен жеңіске жетті. Осылайша Нидерланд 2004 жылғы Еуропа Чемпионатынан кейін алғаш рет 1/2 финалға жолдама алды.

Алдымен ойынның 35-минутында Самет Ақайдын есеп ашқанымен, 70-минутта Стефан Де Врей есепті теңестірді. Алты минут өткен соң Коди Гакпо өз командасын алға шығарды. Дегенмен Нидерланд құрамасының соққан голы Мерт Мюлдюрге жазылып, автогол ретінде тіркелді.

Еуропа Чемпионатының жартылай финалындағы екі ойын 9-10 шілдеге жоспарланған. 9-шілдеде Мюнхен қаласында Испания – Франция, 10 шілде күні Дортмундта Нидерланд – Англия арасындағы ойын өтеді. Жартылай финалдық кездесулерді Qazaqstab және Qazsport телеарнасының тікелей эфирінде көре аласыздар.