Зәкір Сафиуллин бокстан іріктеу турнирін жеңіспен бастады
Иорданияның Амман қаласында бокстан Токио Олимпиадасына аймақтық іріктеу турнирі өтіп жатыр. Бүгін Қазақстан ерлер командасы жарысты бастады.
63 келіге дейінгі салмақ дәрежесінде сынға түскен Зәкір Сафиуллин алғашқы айналымда қытайлық Чжан Чуннан басым түсті. Төрешілер үш раунд қорытындысы бойынша жеңісті қазақстандық боксшыға берген.
9 наурыз күні Зәкір ирандық Ризаи Ашканға қарсы шығады.
