Еуропа Лигасының финалын «QAZSPORT» телеарнасы көрсетеді
«Севилья» және «Интер» UEFA Еуропа лигасының ақтық бәсекесінде күш сынасады.
«Интер» Еуропа Кубогының финалында 1998 жылы соңғы рет ойнады. Миландық клуб турнирдің финалында төрт мәрте өнер көрсетіп, үшеуінде жеңіске жетті (1991, 1994, 1998 жж).
Соңғы жылдары «Севилья» аталмыш турнирда үстемдік етті. Испандық клуб бұл шыңды бес рет бағындырды (2006, 2007, 2014, 2015, 2016 жж).
«QAZSPORT» телеарнасындағы финалдық ойынның тікелей трансляциясы:
21 тамыз - «Севилья» (Испания) — «Интер» (Италия). Уақыты 00:50
Финал 21 тамызда Кёльн қаласындағы «Рейн Энерги» стадионында болады. Ойын көрерменсіз өтеді.
