Азия бокс конфедерациясы бокстан Азия чемпионатының телекөрсетілімін ұйымдастырмайды

30 қазан – 13 қараша аралығында Иордания астанасы Амманда бокстан Азия чемпионаты өтеді. Сары құрлық бәсекесінде Қазақстанның намысын ерлер арасында 13 боксшы және әйелдер арасында 12 боксшы қорғайды.

Аталған жарысты «Qazsport» телеарнасы көрермен назарына ұсынуды жоспарлағанымен, Азия бокс конфедерациясы мен жергілікті ұйымдастырушылар телевизиялық түсірілім жасамайтыны белгілі болды.

Дегенмен, Аммандағы турнирге «Qazsport» телеарнасының түсірілім тобы аттанып, шешуші жекпе-жектерден репортаж ұсынатын болады.

Жарыс кезіндегі қызықты сәттер, спортшылар мен бапкерлердің экслюзивті сұхбаттарын күнделіктерден және әлеуметтік желідегі парақшаларымыздан (https://www.instagram.com/qazsport_official/) тамашалай аласыздар.