Қазақстандық теннисшілер АТР санатындағы жарыстың ширек финалында
АТР санатындағы теннис маусымы жалғасып жатыр. Буэнос-Айрес (Аргентина) қаласында өтіп жатқан АТР 250 турнирінде бақ сынап жатқан Александр Недовесов пен Андрей Голубев жұптық сында ширек финалға жолдама алды.
Жұптық бәсекеде еліміздің көшбасшылары алғашқы кездесуінде Александр Эрлер мен Лукас Мидлерден (Австрия) құралған тандемді 6:4, 6:4 есебімен жеңді.
Қазақстандық жұптың келесі кезеңдегі қарсыласы анықталған жоқ.
Ерлер арасында Қазақстанның бірінші ракеткасы Александр Бублик Роттердамда (Нидерланд) өтіп жатқан АТР 500 турнирінің жекелей сынында жеңілгенімен, жұптық сында Станислас Вавринкамен бірге Олимпиада ойындарының жеңімпазы болған Мате Павич/ Никола Мектич (Хорватия) жұбын 3:6, 7:6 (7:3), 10:7 есебімен жеңіп, ширек финалдың қатысушысы атанды.
