«QAZSPORT» телеарнасы Уимблдон турнирін тікелей эфирде көрсетеді

Қазақстандық спорт жанкүйерлері әлемдегі ең беделді теннис додаларының бірі – Уимблдон турнирін «QAZSPORT» телеарнасынан тікелей эфирде тамашалай алады.

29 маусым күні басталатын «Үлкен дулыға» жарысында Қазақстан намысын  жекелей сында ерлер арасында Александр Бублик пен Александр Шевченко, әйелдер арасында Елена Рыбакина мен Юлия Путинцева қорғайды. Ал жұптық бәсекеде ел үздігі Анна Данилина бақ сынайды. 

Турнир барысында ерлер мен әйелдер арасындағы жекелей және жұптық сындар, сондай-ақ шешуші кезеңдердің ойындары көрермен назарына ұсынылады.