Wimbledon-2014. Андрей Голубев әлемнің бірінші ракеткасынан ұтылды

Қазақстандық теннисші Андрей Голубев Wimbledon-2014 турнирінің алғашқы айналымынан аса алмады. Әлемдік рейтинге 56-шы орында тұрған Андрей Голубев турнирдің бірінші ракеткасы, сербиялық Новак Джоковичпен кездесіп, 0/6, 1/6, 4/6 есебімен ұтылды. Новак Джокович екінші айналымда чех Радек Штепанекпен ойнайды. Штепанек бірінші кезеңде уругвайлық теннисші Пабло Куэвастан 6/2, 6/4, 6/4 есебімен басым түсті.