US Open ұйымдастырушылары жүлде қоры ұлғайғанын жариялады

Құрама Штаттардың теннис қауымдастығы (USTA) 27 тамыз бен 7 қыркүйек аралығында Нью-Йоркте өтетін US Open турнирінің жүлде қоры ұлғайғанын жариялады. Жарыстың жалпы жүлде қоры 4 миллион долларға артып, турнир тарихындағы рекордтық көрсеткіш - 38,3 миллион АҚШ долларына жетті. Айта кетейік, жекелей сында US Open жеңімпаздары үш миллион доллардан алады. Бұл да турнир тарихында бұрын-соңды болмаған рекордтық көрсеткіш.