Михаил Кукушкин АТР рейтингісінде 5 сатыға көтерілді

Қазақстандық теннисші Михаил Кукушкин өткен аптада Германияның Гамбург қаласында аяқталған «Вet-at-home Open» турниріне қатысқан болатын. Аталған турнирдің екінші айналымында ол испаниялық теннисші Давид Феррерді үш сетте жеңген еді. Осы нәтижесімен Кукушкин АТР рейтингісінде 5 сатыға көтеріліп, 48-ші орынға тұрақтады. Сондай-ақ, әлемнің «Үздік 100 теннисшісінің» арасында тағы екі қазақстандық теннисшілер бар. Андрей Голубев 59-шы болса, Александр Недовесов 99-шы орында.