US Open. Зарина Диас жұптық сайыстың екінші кезеңіе өтті

Қазақстандық теннисші Зарина Диас АҚШ-тың Ашық чемпионатының жұптық сайысында екінші кезеңге өтті. US Open турниріндегі жұптық сайыстағы алғашқы ойында Зарина Диас қытайлық теннисші И-Фань Сю бір жұпта ойнап, америкалық Ракель Копс-Джонс пен Эбигейль Спирсті 6:4, 2:6, 6:1 есебімен ұтты. Енді келесі кезеңде қазақстандық-қытайлық жұп америкалық Лорен Дэвис пен чехиялық Рената Ворацовамен ойнайды. Естеріңізге сала кетейік, Зарина Диас US Open турнирінің жекелей сынында да екінші айналымға шықты. Алғашқы ойында Қазақстанның бірінші ракеткасы Зарина Диас украиналық Леся Цуренконы 6:1, 6;2 есебімен жеңген. Келесі айналымда қазақстандық теннисші америкалық Кэтрин Беллиспен кездеседі.