US Open – 2014. Зарина Диас үшінші айналымнан аса алмады

Теннистен АҚШ-тың Ашық чемпионатында қазақстандық Зарина Диас үшінші айналымда ресейлік Екатерина Макаровамен кездесті. Бұл жолы З. Диастан әлдеқайда тәжірибелі, жиырма алты жастағы Екатерина Макарова 6:2, 6:4 есебімен жеңіске жетті. Осылайша, қазақстандық теннисшілер арасында жекелей сында үшінші айналымға жеткен З. Диас одан әрі аса алмады. Бұған дейін Австралияның Ашық чемпионатында үшінші, Уимблдонда төртінші айналымға дейін жеткен Зарина үшін 2014 жыл, жалпы алғанда, сәтті болды. Қазіргі кезде әлемдік рейтингте Зарина 48-інші орында тұрса, алдағы аптада бұдан жоғарылайды.