Зарина Диас WTA рейтингісінде 40-шы орнын сақтап қалды

Қазақстандық теннисші Зарина Диас өткен аптаның қорытындысы бойынша WTA рейтингісіндегі 40-шы орнын сақтап қалды. Бұл – көрсеткіш қазақстандық теннисші қыздар арасында ең жоғары көрсеткіш. Ярослава Шведова 63-тен 65-ші орынға түсіп қалды. Қалған қазақстандық теннисші қыздардың рейтингтегі орны келесідей: Юлия Путинцева – 130, Галина Воскобоева – 176, Сесиль Каратанчева – 191. Камила Керімбаева – 305. Әйелдер арасындағы WTA рейтингісін америкалық Серена Уильямс бастап тұр. Екінші орында румыниялық Симона Халеп, ал чехиялық теннисші Петра Квитова үшінші орында.