Ярослава Шведова Өскемендегі жас теннисшілерге шеберлік сағатын өткізді

Қазақстандық теннисші Ярослава Шведова тағы да шеберлік сабағын өткізді. Ол бұл жолы Өскемен қаласындағы «SMASH» теннис орталығының шәкірттерімен жолықты.

Шеберлік сағатының бағдарламасында Ярослава Шведова жас теннисшілерге допты бақылауда ұстауды үйретті. Сонымен қатар, балалардың барлығы Wimbledon және US Open турнирлерінің жұптық бәсекесінің жеңімпазымен әңгімелесуге мүмкіндік алды.

Шараның екінші бөлімінде Ярослава Шведова Шығыс Қазақстан облысының құрамасымен танысып, спорттың қыр-сырымен бөлісті. Сондай-ақ, шеберлік сағатының қатысушылары мен көрермендер атақты теннисшімен суретке түсіп, қолтаңба алды.

Фото: 1720.kz