Davis Cup. Қазақстан мен Италия арасындағы матчтар Астанада өтеді

Қазақстан теннис федерациясы Дэвис Кубогының әлемдік тобындағы Қазақстан мен Италия арасындағы 1/8 финалдық ойыны Астанадағы Ұлттық теннис орталығында өтеді деген шешім қабылдады. Екі елдің ойыны 2015 жылдың 6-8 наурыз аралығында хардта өтеді. Осыған дейін екі команда Алматыда ойнайды деген ақпарат болған. Еске сала кетейік, өткен маусымда Қазақстан теннисшілері Швейцария құрамасынан ширек финалда, ал италиялықтар жартылай финалда жеңілген.