ATP рейтингі. Кукушкин 53-ші орында

Жаңартылған рейтингте Кукушкин 53-ші орынға тұрақтаған. Тағы бір қазақстандық Андрей Голубев бір саты төмендеп, 73-ші орында тұр. Ал, Александр Недовесов бес саты жоғарылап, 123-ші орынға жайғасты. Жекелей рейтингті серб Новак Джокович бастап тұр. Екінші сатыда – швейцариялық Рожер Федерер. Үштікті испандық Рафаэль Надаль қорытындылауда. Жұптық санат бойынша қазақстандықтар сапынан ең үздік көрсеткішке Голубев ие. Ол 76-шы орыннан 72-ші орынға көтерілген. Сонымен қатар, Кукушкин 142-ші, ал Недовесов 165-ші орында. Жұптық санаттың көш басында америкалықтар Боб және Майк Брайандар тұр.