Дэвис кубогы. Теннистен Қазақстан ерлер құрамасы бірінші айналымда Италиямен кездеседі

Матч 6-8 наурыз күндері Астанадағы Ұлттық теннис орталығында өтеді. Қазақстан ерлер құрамасы қатарынан 5 жыл бойы әлемдік теннистің элитасына еніп, үздік ондықта тұр. Бес жыл ішінде ерлер құрамасы үш рет беделді турнирдің ширек финалына дейін жетті. 2014 жылы да ширек финалға жеткен Қазақстан құрамасы 3:2 есебімен Дэвис кубогының болашақ чемпионы Швейцарияға жол берген. Қазақстан құрамасы Дэвис кубогы додасында 19 жылдан бері қатысып келеді. Ал, әлемдік топта 2011 жылдан бері 5 жыл сынға түсуде. Фото: Қазақстан Теннис федерациясы