Зарина Диас Qatar Open турнирінің екінші айналымына өтті

Қазақстандық теннисші Зарина Диас Катар астанасы Доха қаласында өтіп жатқан Qatar Open халықаралық турнирінің екінші айналымына өтті. Турнирдің жүлде қоры – 731 мың АҚШ долларын құрайды. Алғашқы айналымда Зарина Диас тунистік Онс Жабермен кездесіп, 6:3, 6:2 есебімен жеңіске жетті. Заринаның екінші айналымдағы қарсыласы әлемнің 10-ракеткасы бельгиялық – Андреа Петкович. Айта кетейік, бір апта бұрын Дубайда аяқталған турнирде Зарина Диас дәл осы бельгиялық теннисшіні ұтқан.