Михаил Кукушкин Мiami Оpen турнирінің екінші кезеңіне өтті

Турнирдің жалпы жүлде қоры 6 миллион АҚШ доллары. Қазақстандық теннисші Михаил Кукушкин бірінші айналымда америкалық Стив Джонсонды үш сетте 6:4, 3:6, 6:2 есебімен ұтып, екінші айналымға өтті. Енді Михаил франциялық Жиль Симонмен күш сынасады. Ал, тағы бір отандасымыз Андрей Голубев ресейлік Михаил Южныйдан 6:4, 2:6, 3:6 есебімен ұтылып қалды. Бүгін Зарина Диас кортқа шығады. Қарсыласы – америкалық Кэтрин Беллис. Айта кетейік, Зарина жарысты екінші айналымнан бастайды.