Юлия Путинцева Нюрнберг турнирінің ширек финалына шықты

Қазақстандық теннисші Юлия Путинцева Нюрнберг қаласында өтіп жатқан халықаралық турнирдің ширек финалына шықты. Дүниежүзілік рейтингте 105-інші орында тұрған Ю.Путинцева екінші айналымда нидерландтық, әлемнің 90-ыншы ракеткасы Кики Бертенспен кездесті. Үш сағатқа созылған тартысты матчта қазақстандық теннисші 6:4, 5:7, 7:5 есебімен жеңіске жетті. Айта кетейік, К.Бертенс бірінші айналымда қазақстандық Ярослава Шведованы ұтқан. Енді жүлде қоры 250 мың АҚШ долларын құрайтын турнирдің жартылай финал жолдамасы үшін Ю.Путинцева жарыстың 6-шы ракеткасы, италиялық Карин Кнаппен ойнайды.