Зарина Диас Бирмингемде өтіп жатқан турнирдің үшінші айналымына шықты

Қазақстанның 1-ші және әлемнің 34-ші ракеткасы Зарина Диас Ұлыбританияның Бирмингем қаласында өтіп жатқан халықаралық турнирдің үшінші айналымына шықты. Осы жарыстың 12-ші, әлемнің 25-ші ракеткасы, беларус қызы Виктория Азаренко аяғының жарақатына байланысты З.Диаспен кездесуден бас тартқан. Енді Зарина ширек финалға өту үшін осы турнирдің 6-шы ракеткасы, чехиялық Каролина Плишкова немесе британиялық Йоханна Контамен күш сынасады.