Михаил Кукушкин теннистен Президент Кубогында жеңіске жетті

Қазақстанның бірінші ракеткасы Михаил Кукушкин Астанада аяқталған халықаралық «President’s Cup-2015» турнирінің жеңімпазы атанды. Финалда Кукушкин ресейлік Евгений Донскойды 6:2, 6:2 есебімен ұтты. Сонымен қатар, әйелдер арасында да турнирдің жеңімпазы анықталды. Финалға дейін ешкімге дес бермеген ресейлік Ксения Первак өзінің отандасы Натела Дзаламидзеге қарсы ойында 6:6 есебінде жарысты жалғастырудан бас тартты. Нәтижесінде Дизаламидзе турнирдің жеңімпазы атанды.