Михаил Кукушкин US Open турнирінің екінші айналымына шықты

Қазақстанның бірінші ракеткасы Михаил Кукушкин Нью-Йоркте теннистен АҚШ Ашық чемпионатының екінші айналымына шықты, деп жазады sk-sport.kz сайты. Әлемдік рейтинге 56-орынды иеленетін Кукушкин Тайвань елінің өкілі Лю Йен-Сунмен (97-орын) кездесіп, үшінші сетте ойын аяқталды, кездесу нәтижесі - 6:3, 6:3, 3:0. Келесі айналымда Кукушкин болгариялық Григор Димитровпен кездеседі. Сондай-ақ, әйелдер арасындағы Қазақстанның бірінші ракеткасы Зарина Диас алғашқы айналымда әлемнің 64-ракеткасы словениялық Полона Херцогтен 6:2, 7:5 есебімен ұтылып қалды.