Юлия Путинцева карьерасында алғаш рет үздік ТОП-60 теннисшінің қатарына енді

Қазақстандық теннисші Юлия Путинцева Әйелдер теннис қауымдастығының (WTA) жаңартылған рейтингінде карьерасында алғаш рет үздік ТОП-60 теннисшінің қатарына енді. Жаңартылған рейтингте 21-жастағы Юлия Путинцева 7 саты жоғарылап, 57-орынға тұрақтады. Ол өткен рейтингте 64-орында болатын. Қазақстанның экс-бірінші ракеткасы Зарина Диас 68-орыннан 69-орынға төмендеді. Ал, 28-жастағы Ярослава Шведова 82-орнын сақтап қалды.