Виталий Кличко 2015 жылғы Украинаның президент сайлауына түспекші

WBC нұсқасы бойынша аса ауыр салмақта әлем чемпионы Виталий Кличко 2015 жылғы Украинаның президент сайлауына түспекші. Бұл жөнінде саясаткер  Әлемдік бокс кеңесінің басшысы   Хосе Сүлейманмен кездесу барысында айтты. Мамандардың пікірінше Кличко Украинаның қазіргі басшысы Виктор Януковичтің басты бәсекелесі болуы мүмкін. Болашақ сайлауға қатысты Киевтің халықаралық әлеуметттану институты қоғамдық сұрау жүргізген екен. Аталған сұрауға сәйкес президенттік сайлаудың бірінші кезеңінде Кличкоға сайлаушылардың  15,9 пайызы дауыс беруге әзір.