Басты Жаңалықтар Геннадий Головкин 2014 жылы 4 кездесу өткізуді жоспарлаған

Геннадий Головкин 2014 жылы 4 кездесу өткізуді жоспарлаған

05.11.2013 10:51

WBA тұжырымы бойынша орта салмақтағы Әлем чемпионы Геннадий Головкин 2014 жылы 4 кездесу өткізуді жоспарлаған.

Алғашқы жекпе-жегі 1-ақпанда Монте-Карлода өтеді деп белгіленген. Алайда, қарсыласы әлі анықталған жоқ. Боксшы биылғы жылы да 4 кездесу өткізген болатын.

19-қаңтарда америкалық Габриэля Росадоны, 30-наурызда жапониялық Нобухиро Ишиданы, 29-маусымда британиялық Мэттью Маклинді нокаутпен жеңген. Ал соңғысы 3-қараша күні Кертис Стивенске қарсы өтті. Головкин бұл кездесуінде де америкалық боксшыны нокаутпен жеңді.

Айта кетейік, 31 жастағы қазақстандық боксшы кәсіпқой бокста 28 кездесу өткізіп, оның барлығын жеңіспен аяқтаған. Ол өзінің WBA тұжырымындағы чемпиондық атағын 2010 жылдан бері 9 рет қорғап қалды.

Бөлісу