Басты Жаңалықтар WSB. Мейірболат Тойытов жеңісті жалғастырды

WSB. Мейірболат Тойытов жеңісті жалғастырды

07.12.2013 06:37

Алматыдағы Балуан Шолақ атындағы спорт сарайында өтіп жатқан WSB бәсекесінде қазақстандық «Astana Arlans» мексикалық «Mexico Guerreros» командасынан басым түсуде.

Мардан Берікбаевтің жеңісті жолын 56 келіде шаршы алаңға көтерілген Мейірболат Тойытов жалғастырды. Оның қарсыласы бұл турнирде бұрын-соңды қолғап түйістірмеген 19 жасар ацтек елінің өкілі Серхио Чирино Санчес болды. Мейірболат үшінші раундта мексикалық боксшыны бір рет нокдаунға жіберіп, айқын басымдықпен ұтты.

Мейірболат Тойытов өткен маусымда да Мексика боксшысын жеңген болатын. 23 жастағы қазақстандық былғары қолғап шебері Дүниежүзілік бокс сериясы аясында бұған дейін өткізген үш жекпе-жектің екеуін жеңіспен аяқтаған.

Бөлісу