Ертең Шүменов шаршы алаңға шығады

Ертең, 14 желтоқсан күні АҚШ-тың Сан-Антонио қаласында кәсіпқой бокстан жартылай ауыр салмақтағы қазақстандық Бейбіт Шүменов WBA тұжырымы бойынша чемпиондық белдігін бесінші рет қорғайды. Оның қарсыласы – 36 жастағы словак Тамаш Ковач.

Бейбіт Шүменов соңғы жекпе-жегін  2012 жылдың маусымында өткізіп, мексика боксшысы Энрике Орнеласты ұтты. Ал таяуда WBA қазақстандық боксшыға «суперчемпион» атағын берді.  

Сонымен қатар, «Alamodome» кешеніндегі бокс кешінде Шүменов-Ковач кездесуінен бөлек, бірнеше қызықты жекпе-жектер өтеді. Рингте Эдриен Броунер мен Маркос Майдана, Кит Тёрман мен Хесус Сото Карасс, Лео Санта Крус пен Сесар Седа қолғап түйістіреді.  Кеше боксшылар жекпе-жек алдындағы ашық жаттығуларын өткізді.

фото: allboxing.ru