Басты Жаңалықтар WSB. Бақытжан Қожабеков vs Арисноидис Дэспейн

WSB. Бақытжан Қожабеков vs Арисноидис Дэспейн

15.12.2013 02:15

«Astana Arlans» пен «Cuba Domadores» арасындағы үшінші жекпе-жекте шаршы алаңға 69 келідегі былғары қолғап шеберлері көтерілді. 26 жастағы Бақытжан Қожабековтің қарсыласы қазақ жанкүйерлеріне жақсы таныс. Арисноидис Дэспейн Алматыда өткен Әлем чемпионатының күміс жүлдегері болды. Ол финалда Қазақстан құрамасының капитаны Данияр Елеусіновтен жеңілген еді.

Куба қабыланы қолайсыз қарсылас екені белгілі. Ол шаршы алаңда әртүрлі мәнерде бокстасып, кез келген арақашықтықта соққы жасай алады. 31 жастағы боксшы WSB бәсекесін сәтті бастады. Ол Польша боксшысын техникалық нокаутқа жіберді.

Кубалық боксшы бұл кездесуде жерлесімізді төртінші раундта техникалық нокаутпен ұтып, өз командасын алға шығарды.

Есеп: 1-2.

Бөлісу