Геннадий Головкин 2013 жылғы үздік боксшы атануға жақын тұр

«Орта салмақтың королі» Геннадий Головкин 2013 жылғы ең үздік боксшыны анықтау жөніндегі сауалнамада бәсекелестерінен оқ бойы озып тұр. Жеңімпазы интернет қолданушылардың дауыс беруі арқылы анықталатын байқауды WorldBoxingNews.net сайты ұйымдастыруда.

Қазіргі уақытта дауыс берушілердің 80 пайызы Головкинді таңдаған. Ал, қазақстандықтан кейінгі орындағы Адонис Стивенсон бар болғаны 8 пайыз дауыс алыпты.

2012 жылы үздік боксшы деп Карл Фроч таңдалған еді.