Осуману Адама жаттығуы (ВИДЕО)

Қазақстандық боксшы Геннадий Головкиннің қарсыласы 33 жастағы ганалық Осуману Адама жекпе-жекке дайындық үстінде. Жекпе-жек 1 ақпан күні Монте-Карлода өтеді. Осуману Адама боксшы кәсіпқой бокстағы алғашқы жекпе-жегін 2001 жылдың мамырында өткізді. Ол үшінші кездесуінде Гана чемпионы атағын жеңіп алды. 2004 жылдың шілдесінде WBO тұжырымы бойынша Африка чемпионы атанды. 2009 жылы кәсіпқой бокстағы 14-ші жекпе-жегінде алғаш рет жеңілді. Ол америкалық Дай Дэвистен ұпай санымен ұтылды. Келесі жекпе-жек те ганалық боксшы үшін сәтсіз болды. Ол тағы да ұпай санымен америкалық боксшы Дон Джорджға есе жіберді. 2010 жылдың желтоқсанында Адама мексиалық боксшы Анджела Эрнандесті ұтып, IBO тұжырымы бойынша Әлем чемпионы атағын жеңіп алды. 2011 жылдың 7 қазанында IBF тұжырымының чемпиондық атағына үміткер ретінде ресейлік бұрынғы Әлем чемпионы Роман Кармазинжі 9-шы раундта нокаутқа жіберді. 2012 жылдың 7 наурызында чемпиондық жекпе-жекте ұпай санымен австралиялық Дэниэль Гилден жеңіліп қалды. Головкин-Адама жекпе-жегін «Қазақстан» Ұлттық телеарнасы мен «KAZsport» телеарнасы тікелей эфирде көрсетеді.