Головкин - Адама жекпе-жегінің төрешілері белгілі болды

WBA және IBO тұжырымы бойынша орта салмақтағы Әлем чемпионы Геннадий Головкин мен ганалық боксшы Осуману Адама жекпе-жегінің төрешілері белгілі болды. Дүниежүзілік бокс қауымдастығы (WBA) пуэрторикалық рефери Луис Пабонды тағайындады. Ол украиналық Владимир Кличко мен ресейлік Александр Поветкин жекпе-жегінде төрелік еткен. Оған оңтүстікафрикалық Стэнли Христодулу, бельгиялық Филипп Вебеке және польшалық Лешек Янковиак көмектеседі. Жекпе-жектің супервайзері - Майк Макалинан. Естеріңізге сала кетейік, қазақстандық және ганалық боксшы арасындағы жекпе-жек 1 ақпанда Монте-Карлода өтеді. Бұл кездесуді «Қазақстан» Ұлттық телеарнасы мен «KAZsport» телеарнасы тікелей эфирде көрсетеді.