WSB. Сергей Деревянченко «Астана арландарына» 4-ші жеңісті сыйлады

Балуан Шолақ атындағы Спорт сарайына жиналған жанкүйерлер Сергей Деревянченконың жекпе-жегін асыға күтті. «Астана арландарының» украиналық легионері Дүниежүзілік бокс сериясындағы 22-ші жекпе-жегін өткізді. Оған болашағынан зор үміт күттіретін боксшылардың бірі Петр Хомуков қарсылас атанды. Тәжірибелі украиналық боксшы қарсыласына ешқандай мүмкіндік бермеді. Өзін шаршы алаң қожайыны сезініп, ресейлік боксшыны айқын басымдылықпен жеңді. Кездесу тағдыры шешіліп қойғандықтан, Сергей Деревянченко көп күш салмай, ұпай санымен жеңіске жетті. Командалық есеп 4:0.