Қазақстандық төрт боксшы финалға өтті

Болгарияда өтіп жатқан бокстан жастар арасындағы Әлем чемпионатының жартылай финалдық жекпе-жектер аяқталды. Болгария астанасы Софияда өтіп жатқан бокстан жастар арасындағы Әлем чемпионатының жартылай финалдық жекпе-жектері толықтай аяқталды. Қазақстандық төрт боксшы финалға шықты. Ақтық жекпе-жектер бүгін өтеді. Жартылай финал жекпе-жектерінің нәтижесі: 49 келі. Шалқар Айқынбай – Шуан Какара (Үндістан) – 2:1. 56 келі. Сұлтан Зауырбек – Петер Макграин (Ұлыбритания) – 2:1. 60 келі. Абылайхан Жүсіпов – Икболжон Холдаров (Өзбекстан) – 3:0. 81 кел. Вадим Казаков – Вегар Трегрен (Норвегия) – 2:0. Айта кетейік, бұған дейін қыздар бәсекесінде Алуа Балқыбекова (57 келі) жастар арасындағы Әлем чемпионатының қола жүлдегері атанған.