Геннадий Головкин: Гил – жақсы боксшы

Кәсіпқой бокстан WBA және ІВО тұжырымы бойынша орта салмақтағы Әлем чемпионы Геннадий Головкин қарсыласы Дэниэл Гил туралы пікірін білдірді. «Мен Дэниэл Гилді құрметтеймін. Ол – жақсы боксшы. Мен оның бірнеше жекпе-жегін қарап шықтым. Өте ұқыпты екен. Өзіндік ерекше стилі бар. Түсінгенім, кездесу маған оңайға соқпайын деп тұр», - деді ол. Жекпе-жек АҚШ-тың Нью-Йорк қаласындағы «Madison Square Garden» бокс аренасында өтеді. Естеріңізге сала кетейік, 27-ші шілде күні өтетін Геннадий Головкин мен Дэниэл Гил арасындағы жекпе-жекті «Қазақстан» Ұлттық телеарнасы мен «KAZsport» телеарнасы тікелей эфирде көрсетеді.