Головкин – Рубио. Қазақстандық Руслан Мадиев кәсіпқой деңгейдегі алғашқы жекпе-жегін өткізеді

Қазақстандық боксшы Руслан Мадиев АҚШ-та Головкин-Рубио бокс кешінде өзінің алғашқы жекпе-жегін өткізеді. Ол жеңіл салмақ дәрежесінде Оскар Рохаспен жұдырықтасады. Салмақ өлшеу рәсімінде Руслан– 61,69 келі, Оскар Рохас – 61,2 келі тартқан. Айта кетейік, 21 жастағы Руслан Мадиев «Astana Arlans» клубының сапында жұдырықтасқан. Еске сала кетейік, Головкин мен Рубио 19-қарашада Калифорния штатының Карсон қаласындағы StubHub Center аренасында жұдырықтасады. Бокс кешін тікелей эфирде «Қазақстан» Ұлттық телеарнасы (08.00) мен «KAZsport» телеарнасы (07.00) тікелей эфирде көрсетеді.