Головкин-Рубио жекпе-жегін 1,3 миллион адам тамашалаған

19-шы қазан күні өткен Геннадий Головкин мен Марко Антонио Рубио арасындағы жекпе-жектің телевизиялық рейтингі жарияланды. АҚШ-тың Карсон қаласында (Калифорния штаты) өткен бокс кешін НВО телеарнасы ұйымдастырған болатын. Орта салмақтағы WBA (Super) және IBO тұжырымы бойынша Әлем чемпионы, қазақстандық Геннадий Головкин WBC тұжырымы бойынша уақытша Әлем чемпионы атағын жеңіп алған жекпе-жекті 1,3 миллион адам тамашалаған. Бұл – рейтингтегі екінші көрсеткіш.