Ілияс Сүлейменов өзбекстандық боксшыны ұтты

Қазақстандық боксшы AIBA Pro Boxing жобасын сәтті бастады.

2016 жылғы Олимпиада ойындарына лицензия берілетін AIBA Pro Boxing (APB) іріктеу турнирінде Ілияс Сүлейменов алғашқы жекпе-жегін жеңіспен аяқтады.

52 келіге дейінгі салмақта жұдырықтасқан қазақстандық боксшы Өзбекстан өкілі Ясурбек Латиповты 3:0 (60:54, 58:56, 60:54) есебімен жеңді. Бұл жекпе-жек Ресейдің Новосибирск қаласында өтті.

Сүлейменовтің келесі қарсыласы – 2013 жылғы Әлем чемпионатының күміс жүлдегері, Алжир боксшысы Мохаммед Флисси. Ол алғашқы жекпе-жегінде Франция боксшысы Редуан Аслумды екінші раундта техникалық нокаутпен ұтты.

Фото: Астана-Спорт