Назым Қызайбай – бокстан Әлем чемпионы

Оңтүстік Кореядағы Чеджу қаласында бокстан әйелдер арасында өтіп жатқан Әлем чемпионатында қазақстандық Назым Қызайбай жеңімпаз атанды. Назым финалда үндістандық Шамджетсабам Сарджубаланы 3:0 есебімен ұтты. Алматы қаласының өкілі, жиырма бір жасар Назым Қызайбай бұдан екі жыл бұрын Әлем чемпионатының қола жүлдегері атанған болатын. Айта кетейік, бүгін 81 келіден астам салмақта тағы бір қазақстандық Ләззат Күнгейбаева финалда алтын жүлде үшін таласады, деп хабарлайды Қазақстан Бокс федерациясының сайты.