Қанат Ислам мен Жанқош Тұраров BoxRec рейтингісінде бірнеше сатыға көтерілді

Бірінші орта салмақта жұдырықтасатын қазақстандық кәсіпқой боксшы Қанат Ислам колумбиялық Орландо Эстрадоны ұтқаннан кейін тәуелсіз BoxRec.com рейтингісінде екі сатыға көтерілді. Эстрадомен болған жекпе-жекке дейін 81-ші орында тұрған Қанат Ислам 79-шы орынға тұрақтады. Тағы бір қазақстандық кәсіпқой боксшы Жанқош Тұраров бірден 88 сатыға көтерілді. Колумбиялық Дунис Линанды жеңгеннен Жанқош қазір BoxRec.com сайтының рейтингісінде 124-ші орында тұр.