«KAZsport» Роман Жайлауовтың жекпе-жегін тікелей эфирде көрсетеді

21 жастағы қазақстандық боксшы Роман Жайлауов 6 маусымда Оңтүстік Африка Республикасында кәсіпқой бокстағы 15-ші жекпе-жегін өткізеді. Оның қарсыласы – тәжірибелі Луандо Жако (ОАР). Ол кәсіпқой шаршы алаңда 20 жекпе-жек өткізіп, 9-ында жеңіп, 9-ында ұтылып, 2-інде тең түскен. Роман Жайлауов өткізген барлық 14 жекпе-жегінде жеңіске жетіп, 8-інде қарсыласын нокаутқа түсірген. 8 раундтық жекпе-жек рейтингтік ұпай әкеледі. Сондықтан Роман бұл кездесуге тыңғылықты дайындалып, қарсыласына дайындалғанын айтады. Еске сала кетейік, Роман Жайлауов-Луандо Жако арасындағы жекпе-жекті «KAZsport» телеарнасы 6 маусымда сағат түнгі 23:30-да тікелей эфирде көрсетеді. Ал, жекпе-жектің қайталауы 7 маусымда сағат 12:00-де көрсетіледі.