WSB финалы. Самат Бәшенов «Astana-Arlans» командасына екінші ұпай әкелді

Астанада WSB (Бүкіләлемдік бокс сериясы) 5-ші маусымының «Astana-Arlans» пен «Cuba Domadores» арасындағы финал өтуде. «Дәулет» спорт кешенінің шаршы алаңына үшінші болып 64 келіге дейін салмақ дәрежесіндегі боксшылар жұдырықтасты. «Astana-Arlans» командасының капитаны Самат Бәшенов кубалық Ясниер Толедомен кездесіп, 3:0 (48:47, 48:47, 48:47,) есебімен ұтты. Осылайша «Astana-Arlans» командасы финалдық серияда есепті 2:1-гі жеткізіп, алға шықты. Айта кетейік, алғашқы жұпта қазақстандық Теміртас Жүсіпов кубалық Йоанис Оскар Аргилагості 3:0 (50:45, 50:45, 50:45) есебімен ұтты. Екінші кездесуде Қайрат Ерәлиев кубалық 2012 жылғы Лондон Олимпиадасының чемпионы Робейси Рамиреске есе жіберді.