Келли Павлик: Геннадий Головкинге бәсекелес бола алатын жалғыз боксшы – Альварес

Орта салмақтағы әлемнің экс-чемпионы Келли Павлик қазақстандық боксшы Геннадий Головкин жайлы, сондай-ақ, оның Мигель Котто және Сауль Альвареспен кездесу мүмкіндігі туралы пікірін білдірді. Келлидің пайымдауынша, қазақстандық боксшыға бәсекелес бола алатын жалғыз боксшы – Альварес. Өйткені, Котто орта салмақ үшін тым жеңіл. «Қазір Г.Головкин С.Альвареспен күш сынасуы керек, деп ойлаймын. Бұл жекпе-жекте ол мүмкіндігін көрсете алады. Ол аса қабілетті деген пікірдемін, алайда, Канеломен кездесуде бұған тағы бір көз жеткізуіміз керек», - дейді ол. kazinform.kz