Қазақстандық боксшы Олжас Сәттібаев Азия чемпионатының ширек финалына шықты

52 келіге дейінгі салмақ дәрежесінде өнер көрсететін Қазақстан чемпионы Олжас Сәттібаев Азия чемпионатын сәтті бастады. Ол Таиландтың мықты боксшысы Онгжунта Тэйнспен кездесті. Жекпе-жектің бірінші минутынан-ақ тай боксшысы Сәттібаевты өз соққыларымен әлсіретпек болды. Алайда ойын жүзеге асыра алмады. Олжас қарсыластың күш алуына бой бермеді. Ұтымды сәттерді қалт жібермей, қарсы шабуылдады. Төрешілердің барлығы жеңісті жерлесімізге берді. Осылайша қарсыласын 3:0 есебімен ұтқан 2014 жылғы Қазақстан чемпионы құрлықаралық турнирдің ширек финалына жолдама алды.