Қайрат Ералиев пен Василий Левит бокстан Азия чемпионатының жартылай финалына шықты

Тайланд астанасы Бангок қаласында өтіп жатқан Азия чемпионатының ширек финалдық кездесулері басталды. Бүгін шаршы алаңға қазақстандық боксшылардан бірінші болып 56 келідегі Қайрат Ереалиев шықты. Ол моңғолиялық боксшы Идерху Энхжаргналды 3:0 есебімен ұтып, жартылай финалға өтті. Қайраттан соң шаршы алаңға 2013 жылғы Азия чемпионы 75 келідегі Жәнібек Әлімханұлы өзбектсандық жас боксшы, жастар арасындағы Олимпиада және Әлем чемпионы Бектемір Меликузиевтен 2:1 есебімен ұтылып қалды. Соңғы болып ринг төріне 91 келідегі Васлий Левит шығып, иорданиялық қарсыласы Ихаб Алматбулиді екінші раунда техникалық нокаутпен ұтты. Ертеңгі ширек финалдың екінші күнінде шаршы алаңға 52 келідегі Олжас Сәттібаев, 60 келідегі Закир Сафиуллин, 69 келідегі Данияр Елеусинов, 81 келідегі Әділбек Ниязымбетов және аса ауыр салмақтағы Иван Дычко шығады.