Бүгін «KAZsport» телеарнасы бокстан Азия чемпионатын тікелей эфирде көрсетеді

Таиланд астанасы Бангокта өтіп жатқан бокстан Азия чемпионатының бүгін жартылай финалдық кездесулер өтеді. Жартылай финалға Қазақстан Ұлттық құрамасының 7 боксшысы өтті. Олар: Олжас Сәттібаев (52 келі), Қайрат Ералиев (56 келі), Зәкір Сафиуллин (60 келі), Данияр Елеусінов (69 келі), Әділбек Ниязымбетов (81 келі), Василий Левит (91 келі) және Иван Дычко (+91 келі) жартылай финалға шықты. Осылайша құрлықтық біріншіліктің жартылай финалына 7 қазақстандық боксшы шықты. Айта кетейік, «KAZsport» телеарнасы бокстан Азия чемпионатын 4 және 5 қыркүйек күндері сағат 14:00-де тікелей эфирде көрсетеді.