Мартин Мюррей: Геннадий Головкин Давид Лемьені екі-үш раундта нокаутқа жібереді

Г.Головкиннің бұрынғы қарсыласы Мартин Мюррей Г.Головкин мен Д.Лемье жекпе-жегіне қатысты болжамын айтты. «Бұл жекпе-жек – Г.Головкинге қиынға соқпайтыны анық. Д.Лемьенің соққылары мықты, алайда, ол шабуылдан кейін қорғанысын ұмытып кетеді. Менің ойымша, Геннадий Головкин Давид Лемье үшін көп ойланбай, екінші немесе үшінші раунда-ақ нокаутқа жіберетініне сенімдімін. Г.Головкин – өте жақсы боксшы. Жалпы айтқанда Геннадий Головкин үшін бұл айқас еш қиындық тудырмайды», - Мартин Мюррей. Геннадий Головкин мен Давид Лемье арасындағы жекпе-жекті «Қазақстан» Ұлттық телеарнасы 18 қазан күні тікелей эфирде көрсетеді.