Дәулет Нысан - жасөспірімдер арасында бокстан Әлем чемпионы атанды

Санкт Петербург қаласында жасөспірімдер арасында бокстан Әлем чемпионаты аяқталды. Қазақстан Ұлттық құрамасы бір алтын, бір күміс және үш қола медальмен елге оралды, деп жазады confederation.kz. Жасөспірімдер арасындағы бокстан 50 салмақ дәрежесінде Әлем чемпионы ретінде жас былғары қолғап шеберіміз Дәулет Нысан атанды. Ол финалда американдық Рей Диаспен кездесіп, 2:1 есебімен ұтқан. Әлем біріншілігінің күміс жүлдесіне Хуршедшох Искандаров (80 кг) ие болды. Финалда ол кубалық Даниери Перо Юстистен ұтылған. Айбек Досанов (46 кг), Саматәлі Толтаев (52 кг) және Айбол Жамбырбай (63 кг) - Әлем чемпионатының қола жүлдегерлері атанды.