Бүгін «Қазақстан» Ұлттық телеарнасы мен «KAZsport» Головкин-Лемье жекпе-жегінің қайталауын көрсетеді

Бүгін Нью-Йорктегі «Madison Square Garden» аренасында WBA (Super), IBO және WBC (Interim) тұжырымы бойынша орта салмақтағы Әлем чемпионы қазақстандық Геннадий Головкин канадалық Давид Лемьені 8-ші раундта техникалық нокаутпен жеңіп, IBF чемпиондық атағын иеленді. Бұл кездесудің қайталауын «Қазақстан» Ұлттық телеарнасы бүгін 13:00 және 19:00-де көрсетеді. Сонымен қатар, көрермендер жекпе-жектің қайталауын «KAZsport» телеарнасынан 13:00 мен 20:10 қайта тамашалай алады. Айта кетейік, Головкин-Лемье бокс кешін «Қазақстан» Ұлттық телеарнасы Астана уақыты бойынша сағат 06:55-тен бастап тікелей эфирде көрсетті.